Pòtoprens 8 fevriye 2022.- Gouvènman Peyi d Ayiti ak Nasyonzini konvoke yon konferans pou rasanble kominote entènasyonal la nan jefò ka p fèt pou rekonstwi Gran Sid la ki te sibi yon gwo tranbleman detè jou ki te 14 dawout 2021 an.

Evènman an ap fèt nan jou k ap 16 fevriye 2022 a, soti 11 è nan maten pou rive 6 è nan laprèmidi, nan Karibe Convention Center, gen nan patisipan yo ki ap sou plas, gen lòt se gras ak videyo y ap patisipe.  Gouvènman an ap prezante nan rankont sa a plan l genyen ki rele ‘’Plan Relèvman Entegre Penensil Sid la’’/ Plan de Relèvement Intégré de la Péninsule Sud (PRIPS).

14 dawout 2021, yon gwo tranblemanntè mayitid 7,2 detwi depatman Nip, Grandans, ak Sid la, epi lakòz anpil moun mouri. Anviwon 2 246 moun mouri, plis pase 12 500 moun te blese, prèske 800 000 moun te afekte dirèkteman. Plis pase 130 000 kay te kraze, oubyen sibi gwo domaj, anpil enfrastrikti esansyèl  tankou, wout ak pon te kraze. Yon total, 1250 lekòl te kraze sa ki te mete chita plis pase 300 000 elèv. 97 lopital ak sant sante te sibi gwo domaj.

Nan mwa novanm nan, Gouvènman an te mete deyò lis sa y ap bezwen apre katastròf la (PDNA). Pwosesis rekonstriksyon ak relèvman ap koute 1,978 milya dola. Bezwen ki pi enpòntan yo konsène sektè sosyal yo tankou kay pou moun rete, (1,027 milya dola), edikasyon(401 milya dola), sekirite alimantè (54,5 milya dola), ak sante (31,9 milya dola).

Bezwen nan nivo enfrastrikti transpò yo ap koute 142 milyon dola, pandan dlo ak netwayaj ap bezwen  10,9 milyon dola. PDNA a evalye tou bezwen nan sektè agrikòl la pou (41 milyon dola), komès ak endistri ansanm ak sèvis finasye yo ap koute (104,4 milyon dola), ak tourism ki ap koute (51,7 milyon dola).

Efò rediksyon risk ak katastròf la ap bezwen yon valè 11,79 milyon dola alòske sektè anviwònman an ap bezwen 81,9 dola.

– FEN –

Se M. Paul Villefranche ki ap swiv dosye sa a pou Ministè Kilti ak Kominikasyon

509 37218588